Kurti dhe Osmani në një tavolinë për qeverinë e re

Lideri i Vetëvendosjes dhe njëkohësisht kandidati për kryeministër i Kosovës, Albin Kurti ka postuar në rrjetet sociale një fotografi teksa takohet me Vjosa Osmanin, që në zgjedhjet e 6 Tetorit ishte kandidatja e Lëvizjes Demokratike të Kosovës për kryeministre. Kurti shkruan se dy liderët kanë diskutuar “për përgatitjet për qeverisjen e re dhe sfidat që na presin. Kosova do të dalë nga kriza dhe do të përparojë. Bashkëpunimi ynë është përkushtimi ynë”.