Lajçak dhe Bujar Osmani bisedime për deeskalimin e situatës në veri të Kosovës

I dërguari special i Bashkimit Evropian për dialogun ndërmjet Beogradit dhe Prishtinës, Miroslav Lajçak, ka diskutuar në Vjenë me kryetarin e OSBE-së dhe ministrin e Punëve të Jashtme të Maqedonisë së Veriut, Bujar Osmani, për situatën në Kosovë.

Lajçak ka thënë në llogarinë e tij në Twitter se gjatë bisedës ka përshëndetur përpjekjet e Zyrës së OSBE-së për deeskalimin e situatës në veri të Kosovës.

“Ne diskutuam edhe kryesimin e OSBE-së nga Maqedonia e Veriut në vitin 2023, sfidat me të cilat përballet organizata dhe të ardhmen e OSBE-së”, ka shkruar Lajçak në një postim në rrjetet sociale.