Majko në krah të Daçiç

Pandeli Majko, ministri i Shtetit për Diasporën, i cili gjendet në një vizitë disa ditore në SHBA, mori pjesë në pritjen e organizuar nga Ambasada e Kosovës në Washington, me rastin e përvjetorit të pavarësisë. Mes të ftuarve në aktivitet ishte Këshilltari për Sigurinë Kombëtare, Herbert Raymond McMaster, me të cilin Ministri Majko zhvilloi një takim.

Ndërkaq, të enjten Pandeli Majko ishte i ftuar në aktivitetin e përvitshëm të Mengjesit të Lutjeve në Uashington, i organizuar nga Kongresi i SHBA. i pranishëm në aktivitet ishte edhe Presidenti amerikan z. Donald Trump.

Mbi bazë të protokollit, Ministri i Shtetit për Diasporën qëndroi krah Ministrit të Jashtëm të Serbisë, Ivica Daçiç. Në të njëjtën tryeze gjendeshin edhe kongresmeni Robert Aderholt dhe zyrtare të tjerë të lartë.