Mbërrijnë në Kosovë 38 mijë e 400 doza të vaksinës anti-COVID nga COVAX

Kosova është furnizuar me 38 mijë e 400 doza të vaksinës Anti-COVID nga COVAX. Kjo është bërë e ditur nga programi i UNICEF-it në Kosovë.

“Sot, ne kemi bërë një hap tjetër të rëndësishëm drejt shpërndarjes së barabartë të vaksinave! 38,400 doza shtesë të vaksinës kundër #COVID19 sapo mbërritën në Kosovë përmes COVAX. Shpërndarja do të jetë në përputhje me Planin Kombëtar të Vaksinimit të Ministria e Shëndetësisë dhe Instituti Kombëtar i Shëndetësisë Publike të Kosovës.

Që nga mbërritja e 24,000 dozave të para të vaksinës kundër COVID19 në mars 2021, Ministria e Shëndetësisë zbatoi Planin Kombëtar të Vaksinimit, ku punonjësve shëndetësor dhe të moshuarve u dha përparësi si grupet e para për tu vaksinuar”, thuhet në njoftim.

Kujtojmë që Kosova në fund të muajit mars është furnizuar me 24 mijë doza të vaksinës nga COVAX. Këto vaksina janë donacion për vendin.