Mbërrijnë në Kosovë trupat e pajetë të 10 emigrantëve që humbën jetën në aksident

Kanë mbërritur sot në Kosovë trupat e pajetë të 10 viktimave që ndërruan jetë në aksidentin tragjik që ndodhi të dielën në Kroaci. Disa qytetarë kanë vendosur lule në automjetet me arkivole gjatë hyrjes në pikën kufitare të Vërmicës.

I pranishëm në pritjen e arkëmorteve ishte edhe ambasadori në detyrë i Kosovës në Shqipëri, Nait Hasani. Kujtojmë që 45 persona mbetën gjithashtu të plagosur si pasojë e aksidentit që ndodhi të dielën në Slavonski Brod të Kroacisë.

Autobusi i linjës Frankfurt-Prishtinë, kishte 67 udhëtarë, të gjithë që po vinin në Kosovë për pushime.