Media serbe: SHBA dhe Perëndimi i dorëzojnë Vuçiçit planin për Kosovën

Shtetet e Bashkuara të Amerikës dhe vendet perëndimore kanë publikuar një plan për zgjidhjen e problemit të Kosovës, për presidentin serb Aleksandar Vuçiç, shkruan sot e përditshmja beogradase “Blic”

Sipas dokumentit të siguruar nga ky medium, sqarohet se plani është tejet i favorshëm për Serbinë, mirëpo ende nuk ka marrë pëlqimin konkret nga Vuçiç.

“Presidenti nuk është i kënaqur me planin dhe nuk i është përgjigjur propozuesve”, thuhet në shkrimin e kësaj të përditshme

Ndër të tjera, aty tregohet se “Perëndimi injoroi pozitën e udhëheqjes shtetërore se nuk ka alternativë të pranueshme nëse Prishtina merr gjithçka dhe Beogradi asgjë”.

Ndërsa, lidhur me këtë propozim, ka reaguar ministri i Jashtëm serb, Ivica Dacic. Sipas tij, ideja e SHBA-ve dhe perëndimit është e pahijshme karshi interesave të shtetit të tyre.

“Vuçiç është i vetëdijshëm që ky propozim s’ka efekt dhe nëse pranohet ai nuk mund të dal para qytetarëve”, deklaroi kryedipkomati serb.