Mediat kosovare: Ish-kryeministri Isa Mustafa në spital, i rrezikohet jeta

Ish-kryeministri i Kosovës Isa Mustafa i rrezikohet jeta për shkak të disa problemeve shëndetësore. Gazeta Express shkruan se gjendja shëndetësore i është komplikuar seriozisht, ndërsa thuhet se Mustafa nuk mundet të lëvizë. Po këto burime shkruan se mjekët dyshojnë se Kryetari i LDK-së është prekur nga sindoroma “Guillain-Barré syndrome”.

Trajtimi i kësaj sëmundjeje për njerëzit që nuk kanë aktivitet të fortë fizik, apo për ata të cilët janë më në moshë, është shumë i vështirë dhe sëmundja mund të lë pasoja.

Ish-kryeministri Isa Mustafa ka një javë që është shtrirë në një spital në Prishtinë për shkak të një gjendje gripale.

Gazeta Express merr vesh se gjendja shëndetësore e Kryetarit të LDK-së është përkeqësuar së fundmi.
“Ai nuk është në gjendje të lëvizë”, i kanë thënë Expressit të dielën burime të afërta me familjen Mustafa, në kushte anonimiteti. Sipas këtyre burimeve, mjekët janë duke kërkuar shkakun e kësaj gjendjeje dhe ndër shumë dyshimet e tyre se çka ka mundur ta shkaktojë këtë gjendje.