Mediat serbe e cilësojnë si propagandë filmin “Shok”

Kuriri serb ka shkruar për nominimin e filmit “Shok” në çmimet “Oscar”, duke e cilësuar këtë si propagandë shqiptare në Hollywood, pasi filmi sipas tyre flet për ngjarjet e luftës në Kosovë. Ngjarja në film zhvillohet mes dy shokëve fëmijë që përballen me dhunën dhe terrorin që kanë ushtruar forcat paramilitare serbe në Kosovë gjatë vitit 1998. Ata kanë cituar drejtorin e Qendrës Kinematografike të Kosovës, Arben Zharkun, i cili ka shkruar në llogarinë e tij në Facebook: “Hap i madh përpara për industrinë e filmit në Kosovë”. Më tej thuhet se, ky është një sukses i madh i filmit në Kosovë duke hapur dyert e pjesëmarrjes së filmave tjerë të Kosovës në ngjarje të mëdha të filmit.