Mustafa, zyrtarëve: Po shkoni në Durrës me makinat e shtetit

Kryeministri i Kosovës, Isa Mustafa ka deklaruar se është e pakuptimtë që automjetet publike të shfrytëzohen nga zyrtarët për pushime në Durrës.

Sipas tij, teksa ka një ecuri më të mirë të të ardhurave buxhetore dhe efikasitet më të lartë të institucioneve, automjetet duhet të shfrytëzohen në mënyrë racionale.

Këto deklarata kryeministri i bëri në mbledhjen e sotme të qeverisë, në të cilën është miratuar raporti gjashtëmujor i buxhetit të Kosovës për vitin 2016.