Në Kosovë kush nuk vendos maskën, do të ndiqet penalisht

Kryeministri i Kosovës, Avdullah Hoti, deklaroi sot se përdorimi i maskës është i detyrueshëm dhe se ata që nuk e vendosin, do të ndiqen penalisht.

“Masat janë të thjeshta, shumë të qarta, maskat, distanca dhe larja e duarve, jemi të obligueshëm të gjithë t’i marrim këto masa, kur ecim, kur hipim në autobus. Çdo kush që nuk i zbaton këto masa, bën vepër penale, sepse rrezikon shëndetin e vet, jetën e vet dhe shèndetin e të tjerëve”, u shpreh Hoti.

Hoti gjithashtu tha stafi mjèkësor është 8% i prekur, për shkak të punës së madhe të tyre

“Stafi mjëkësor është duke bërë maksimumin, 8% e të infektuarve janë mjekë, sepse ata janë vija e parë e frontit”, tha Hoti. Më tej, ai tha se situata është nën kontroll, por nën kontroll të brishtë, gjithashtu theksoi se inspektorët do të jenë në rrugë 24 orë.

“Situata është nën kontroll, nën kontroll të brishtë, duhet të menaxhojmë situatën. Inspektorët do të jenë 24 orë, nëse nuk vendosni máskë, do të dènoheni”, tha ai.