Nuk kishte lindur ende kur humbi të atin, vajza e Astrit Deharit përlot në homazh

Aktivisti i Lëvizjes Vetëvendosje, Astrit Dehari është përkujtuar ditën e sotme pas vdekjes së tij dy vite më parë në Qendrën e Paraburgimit në Prizren.

Vdekja e tij shkaktoi polemika dhe protesta të gjata në Kosovë, ndërsa ende nuk janë qartësuar rrethanat në të cilat ai humbi jetën.

Sot në përkujtimin e aktivistit e pranishme ka qenë vajza e të ndjerit, Arsa e cila në kohën kur i ati humbi jetën nuk kishte lindur ende.

Ajo nuk i ka mbushur akoma dy vite por ka qenë sot pranë varrit të të atit dhe i ka lënë një tufë lule.

Fotoja e Arsës po qarkullon në rrjetet sociale.

Homazhe pranë varrit të Deharit kanë bërë edhe aktivistë të shumtë si dhe liderë të Lëvizjes Vetëvendosje.