Osmani pas letrës së Biden: Përjetësisht mirënjohëse Amerikës

Presidentja aktuale në Kosovë, Vjosa Osmani ka falënderuar homologun e saj amerikan Joe Biden për letrën e urimit për pavarësinë dhe fitoren e zgjedhjeve. Në një postim në facebook, Osmani shkruan se Biden theksoi në letrën mbështetjen e tij për Kosovën në dialogun me Serbinë dhe integrimin e saj në Europë.

“Sot kam pranuar letër urimi nga Presidenti i Shteteve të Bashkuara të Amerikës, Joe Biden, ku ai rithekson raportet e forta ndërmjet dy popujve tanë, mbështetjen e vazhdueshme e të fuqishme të SHBA-ve si dhe nevojën që dialogu me Serbinë të përqëndrohet në njohjen e ndërsjellë. Përjetësisht mirënjohëse për mbështetjen e pazëvendësueshme të Shteteve të Bashkuara të Amerikës“, shkruan Osmani.