Pacolli replikon me homologun spanjoll: Pavarësia e Kosovës është sipas ligjit ndërkombëtar

Kundër të drejtës ndërkombëtare e konsideroi Josep Borrell, ministër i Jashtëm i Spanjës, pavarësinë e Republikës së Kosovës. Por këtë deklaratë të bërë në Beograd e ka kundërshtuar Behgjet Pacolli, ministër i Jashtëm i Kosovës.

Nëpërmjet një reagimi në ‘Tëitter’, Pacolli thotë se pavarësia e vendit të tij është në përputhje me ligjin ndërkombëtar dhe i sugjeron Spanjës që ta pranojë vendimin e shqiptarëve.

“Pajtohem plotësisht me ministrin e Jashtëm të Spanjës, Josep Borrell se Kosova nuk mund të krahasohet me asnjë situatë tjetër. Pavarësia e Kosovës është në linjë me ligjin ndërkombëtar dhe si rezultat i spastrimit etnik të kryer nga Serbia, si dhe shpërbërjes së dhunshme të ish-Jugosllavisë. I sugjeroj Spanjës që të njoh Kosovën”, shkruan Pacolli.