Pandemia, një shqiptar dhuron 150 mijë euro për Kosovën

Qeveria e Kosovës ka krijuar një fond të posaçëm me donacionet që vijnë për koronavirusin. Ministri në detyrë i Financave, Besnik Bislimi deklaroi se deri më sot janë grumbulluar gati 680 mijë euro.

Bislimi tha se ndihma më e madhe që është bërë deri më tani ka ardhur si donacion nga një shtetas i Shqipërisë. Ai ka deklaruar se i njëjti ka dhuruar 150 mijë euro për Kosovën. “Deri në këtë moment, në llogari janë derdhur 679,874 Euro. Donacione nga jashtë janë 640,858 Euro; prej të cilave një donatorë i vetëm nga Shqipëria ka dhuruar 150.000 Euro. Poashtu janë 700 donacione nga Kosova në vlerë prej 39.015 Euro”, ka shkruar Bislimi në Facebook