Pas vizitës në Bruksel, Kurti fton në takim kryetarët e partive opozitare, Haradinaj i përgjigjet pozitivisht

Kryeministri i Kosovës, Albin Kurti pas vizitës në Bruksel ku mori pjesë në tryezën e Borell mes liderëve të Be dhe Ballkanit Perëndimor, i ka dërguar ftesa për takime kryetarëve të partive opozitare.

Ftesat u kanë shkuar Enver Hoxhajt të PDK, Lumir Abdixhikut të LDK dhe Ramush Haradinajt të AAK, ky i fundit i është përgjigjur pozitivisht.

Takimet priten të mbahen javën e ardhshme dhe do të do të jenë në shërbim të mirinformimit dhe bashkërendimit të spektrit politik për çështje me interes të Republikës së Kosovës.