Policia kosovare shpërthen bombën tek objekti i Qeverisë

Pjesëtarët e Policisë së Kosovës kanë arritur që ta largojnë mjetin e dyshuar shpërthyes nga zyra administratës pensionale të Kosovës te ndërtesa e ish-Rilindjes në Prishtinë.

Lajmin e ka konfirmuar zëdhënësja e zyrës rajonale për Prishtinën, Flora Ahmeti. Ajo tha edhe se ekipet e policisë janë duke i vazhduar hetimet.

“Rreth orës 12:15 është larguar mjeti i dyshimtë nga objetiti i ish-Rilindjes”, ka thënë Ahmeti.

Ndërkohë që rreth orës 11:00 është raporuar nga punëtorët e Administratës Pensionale të Kosovës për një mjet të dyshuar.

Zyra e Administratës Pensionale të Kosovës ndodhet në oborrin e ish-pallatit të shtypit që sot shfrytëzohet nga Qeveria e Kosovës për ministri të ndryshme, në qendër të Kryeqytetit.