Presidenti Meta, vizitë në Manastirin e Deçanit dhe Patriarkanën e Pejës

Presidenti Ilir Meta e ka nisur vitin e ri me një vizitë në Kosovë. Dje, kreu i shtetit dhe familja e tij ishte në Bjeshkët e Rugovës nga ku u uroi shqiptarëve në Kosovë dhe në Shqipëri vitin e ri 2019.

Ndërsa sot, Presidenti Meta i shoqëruar nga bashkëshortja e tij, Monika Kryemadhi dhe tre fëmijët e tyre kanë vizituar Manastirin e Deçanit dhe Patriarkanën e Pejës.

“Një vizitë mbresëlënëse në Manastirin e Deçanit dhe Patriarkanën e Pejës, dy monumente të trashëgimisë kulturore”,- shkruan Presidenti Ilir Meta në një postim në Facebook.