Propozimi për ndryshim kufijsh, Edita Tahiri kundër Thaçit

Ish-shefja e bisedimeve teknike me Serbinë, Edita Tahiri ka ripërsëritur qëndrimin e saj për ndryshimin e kufijve, duke i dalë kështu kundër propozimit të presidentit Hashim Thaçi.

Ajo pohoi se ndryshimi i kufijve sjell paqëndrueshmëri në Ballkan dhe luftëra të reja.

“Pozicioni i Gjermanisë kundër ndryshimit të kufijve në Ballkanin Perëndimor mbështetet gjerësisht nga Kosova. Ajo ruan paqen, parimet e BE-së dhe të ardhmen evropiane të gjashtë shteteve të Ballkanit Perëndimor duke përfshirë këtu edhe Kosovën. Ndryshimet kufitare sjellin paqëndrueshmëri dhe luftëra të reja”, ka shkruar Tahiri në Twitter.