Qeveria do të testojë mësuesit, Sindikata e Arsimit del kundër

Brenda mandatit katër vjeçar të qeverisë Kurti, pritet të bëhet testimi i mësimdhënësve lidhur me aftësitë e tyre në vend të punës.

Ministrja e Arsimit, Shkencës dhe Teknologjisë, Arbërie Nagavci tregon se ky testim ka për qëllim rritjen e cilësisë në arsim. Por Sindikata e Bashkuar e Arsimit ka kundërshtuar testimin e mësimdhënësve, duke deklaruar se nuk do të lejojnë që kjo të ndodh.

Me testimin e mësimdhënësve kundër është edhe eksperti i arsimit, Rinor Qehaja. Ai thotë se vlerësimi i tyre duhet të bëhet bazuar në ligjet në fuqi.