Ra në humnerë me shokun, gjendet trupi i pajetë edhe i policit të dytë në Kosovë

KOSOVË- Njësitë e kërkim shpëtimit të FSK-së, në lumin Lepenci kanë gjetur, sot trupin e pajetë të policit Armend Trena.

Njësitë e kërkim shpëtimit të FSK-së, Policisë së Kosovës dhe AME-së (Agjencisë së Kosovës për Emergjenca) sot në orën 15 e 40, në kilometrin e gjashtë (në hyrje të Hanit të Elezit) nga vend i aksidentit në lumin Lepenc, kanë gjetur trupin e pa jetë të policit Armend Trena, njofton Ministria për Forcën e Sigurisë së Kosovës.

Dy policët Armend Trena dhe Malsor Dashi u aksidentuan me veturën e policisë më 28 prill. Trupat e tyrë u kërkuan për ditë të tëra. Ndërsa trupi i pajetë i Dashit u gjet të enjten, Trena po kërkohej akoma, deri sot kur Ministria e Forcës dhe Sigurisë njoftoi se është gjetur edhe trupi i tij.