Rama: Shqipëria e Madhe sajesë e armiqve, bashkim të shqiptarëve

Gjatë fjalës së tij në inaugurimin e doganës së Kosovës në portin e Durrësit, kryeministri Edi Rama tha se në panverë do të kemi një kufi fluid mes Kosovës dhe Shqipërisë, njësoj si kufijtë e vendeve të BE.

Rama tha se Shqipëria e Madhe nuk e ekziston dhe kjo është një sajesë e armiqve.

“Jo më larg se dje, Ministria e jonë e Brendshme ka përfunduar draftin teknik për të hyrë në procesin gjyqësor dhe në pranverë të kemi në kufirin e sotëm një sistem të ri, sistemin Shengen. Tani kemi kaluar në një kontroll të unifikuar dhe zyra e policisë në kufi është zyrë e përbashkët dhe punonjësit do të qëndrojnë në një zyrë.

Në pranverë do kemi një kufi fluid,  njësoj si kufiri mes Francës dhe Gjermanisë. Ne duam që këtë sistem ta vendosim edhe me Maqedonisë dhe Malin e Zi. Kush na thotë se kjo është një Shqipëri e Madhe, ju them se Shqipëria e Madhe është një sajesë e armiqve. S’ka Shqipëri të Madhe, por bashkim të shqiptarëve.”- tha Rama.