Ramush Haradinaj kandidat për kryeministër. PDK-AAK-NISMA koalicion
Kosova tashme i ka ndarë koalicionet përzgjedhjet e parakohshme të 18 qershorit. Ramush Haradinajn do të jetë kandidati për kryeministër nga koalicioni PDK-AAK-NISMA. Kështu u tha në një konferencë të jashtëzakonshme në Aleancën për Ardhmërinë e Kosovës.
“Pa asnjë dyshim koalicioni që kemi arritur sot do të jetë koalicion fitues i zgjedhjeve”, ka thënë Muharrem Nitaj nga AAK.
Sipas tij, edhe numri i deputetëve do të jetë i barabartë 55 do t’i ketë PDK kurse 55 do t’i kenë AAK dhe NISMA.
“Është momenti i duhur që kryeministër i Kosovës të jetë Ramush Haradinaj. Prandaj është një zgjidhje e duhur për zhvillimet e reja që na presin”, ka thënë Ahmet Isufi, nënkryetar i AAK-së.
Në Kosovë u mbyll në mesnatë afati për regjistrimin e koalicioneve për zgjedhjet e parakohshme të 11 qershorit. Mediat atje shkruajnë se është arritur koalicioni mes PDK-së së Kadri Veselit, AAK-së së Ramush Haradinajt dhe NISMA të Fatmir Limajt. Këto parti nihen si “krahu i luftës” pasi kanë dalë nga ish-UÇK.
Deri më tani, Vetëvendosje është partia e vetme që nuk ka bërë marrëveshje për koalicion me ndonjë subjekt tjetër.
Lidhja Demokratike e Kosovës e Isa Mustafës dhe Aleanca Kosova e Re e Behgjet Pacollit bashkuan forcat. LDK dhe AKR kanë arritur marrëveshje për koalicion parazgjedhor. LDK ka lidhur koalicion gjatë ditës edhe me partinë Alternativa, që udhëhiqet nga Mimoza Kusari-Lila dhe me Lëvizjen për Drejtësi.
Vendi më 11 qershor shkon në zgjedhje, pasi Qeveria, e udhëhequr nga Isa Mustafa, u rrëzua përmes një mocioni të inicuar nga Nisma.
