Serbët protestojnë në veri kundër taksës 100%

Serbët e veriut të Kosovës kanë dalur në protestë edhe sot për të kundërshtuar taksën ndaj produkteve serbe dhe boshnjake që u vendos nga Qeveria e Kosovës.

Protesta është mbajtur në orën 12:00 në Mitrovicën Veriore, dhe aty ishin parë edhe lojtarët e klubit basketbollistik “Partizani”.

Ndërkohë, për në këtë protestë ishte nisur edhe zëvendësi i shefit të ashtuquajturës Zyrë për Kosovën në Qeverinë e Serbisë, Marko Djuric, mirëpo nuk është lënë të futej në pikën kufitare.

Serbët po kërkojnë që taksa ndaj produkteve serbe të hiqet, duke u “viktimizuar” se po mungojnë ilaçet, ani pse ato mund t’i blejnë vetëm 100 metra më larg në jug të qytetit.

Sidoqoftë, sot presidenti serb Aleksandar Vucic ka reaguar duke thënë se “Kosova nuk e ka në plan ta heqë taksën”, dhe për këtë ka kërkuar ndihmën e ambasadorit amerikan në Beograd, Scott.