Serbia del me propozime për çështjen e Kosovës në muajin prill

Presidenti serb, Aleksandar Vuçiç ka thënë se do të shpallë propozimet për zgjidhjen e çështjes së Kosovës deri në fillim të prillit. Këtë deklaratë ai e bëri në një intervistë për agjencinë amerikane Bloomberg.

Këto propozime do të dalin si rezultat i dialogut të brendshëm për Kosovën të iniciuar në muajin tetor nga kreu i shtetit serb.

Ky i fundit njëherësh ka theksuar se planifikon të përfundojë punën e kërkuar për hyrjen e Serbisë në Bashkimin Evropian deri në fund të mandatit të tij në vitin 2022 dhe prandaj ka të ngjarë të mos kandidojë për një mandat tjetër, transmeton Klan Kosova.