Serbia falënderon vendet që penguan anëtarësimin e Kosovës në Interpol

Ministri serb i Punëve të Brendshme, Nebojsha Stefanoviç, ka falënderuar, në përfundim të Asamblesë së Përgjithshme të Interpolit, në Pekin, vendet që, siç njoftojnë mediat e Beogradit, kanë ndihmuar për ta penguar Kosovën që të anëtarësohet në këtë organizatë ndërkombëtare policore.
“Miqtë tanë kinezë i falënderoj në përkrahjen shumë të madhe, sidomos kur bëhet fjalë për mbrojtjen e integritetit të Serbisë”, ka thënë Stefanoviç.

“Falë saj, por edhe me përkrahjen e vendeve të tjera në Interpol, ia dolëm ta pengojmë Kosovën që të hyjë në përbërje të këtij organi”, citon novosti të ketë thënë Stefanoviç.