Sërish përplasje në KQZ për zgjedhjet, Daka: Jam bërë personaliteti më i urryer i këtij shteti

Në mbledhjen e Komisionit Qendror të Zgjedhjeve, sërish ka pasur përplasje mes kryetares së KQZ-së, Vladete Daka dhe anëtarit të LVV-së në këtë komision Sami Kurteshi.

Ky i fundit kërkoi që data 13 shkurt të jetë afati i fundit për pranimin e votave nga diaspora. “Po kërkoj që data 13 shkurt ora 19:00 të caktohet si momenti i fundit ku pranohet posta nga mërgata”, ka thënë Kurteshi. Pas kësaj ka reaguar kryetarja e KQZ-së, Valdete Daka, e cila ka thënë se është aprovuar një plan operacional dhe se në bazë të kësaj data e fundit për pranimin e votave nga diaspora është 12 shkurti.

“E kemi aprovuar një plan operacional, dhe si i tillë është paraparë që data e fundit kur mund të pranohen pakot nga mërgata janë 12 shkurti, 24 orë para zgjedhjeve. Kush mendon që ua kemi shkel të drejtën për të votuar mund të ankohen në PZAP”, ka thënë Daka.

Pas kësaj ka reaguar sërish Kurteshi e cili e quajti këtë si “goditje nën brez”. “Unë jam duke marrw goditje nën brez që tri javë. Që tri javë rresht jam emri jem nuk zbret nga faqet e mediave. Që tri javë jam bërë personaliteti më i urryer i këtij shteti, duke ju falënderuar disa personaliteteve të caktuara”, tha Daka.