Shqipëria dhe 3 vende të tjera të Rajonit të zemëruar nga qasja selektive e BE-së

Shqipëria dhe tre vende të tjera të Rajonit shprehin zemërim sa i përket përmbajtjes së drafteve të Strategjisë së re të zgjerimit të cilat favorizojnë Serbinë dhe Malin e Zi si vende që mund të anëtarësohen deri në 2025-n, shkruan sot “Koha Ditore” në Kosovë.

Në Kosovë, Shqipëri, Maqedoni e në Bosnjë-Hercegovinë, shihet si e papranueshme një qasje e tillë selektive e Bashkimit Evropian.

Strategjia do të miratohet më 6 shkurt nga Komisioni Evropian. Katërshja e pakënaqur është duke bërë përpjekje maksimale që, para se dokumenti të hidhet në votim, të ndërrojë diçka në përmbajtje.

Burime të gazetës kosovare kanë thënë të martën të ketë edhe veprime të përbashkëta, nëpërmjet të cilave synohet të përfshihen në strategji disa nga qëllimet.