Shtrohet në spital ish-Kryeministri i Kosovës

Ish- kryeministri i Kosovës dhe kreu i LDK-së, Isa Mustafa, është shtruar në spital. Mediat në Prishtinë thonë se ai ka pasur disa probleme shëndetësore gjatë ditëve të fundit. Zyrtarë të Spitalit Amerikan në Prishtinë kanë thënë për Express se Isa Mustafa është duke u trajtuar në spital me terapi nga një gjendje gripale, por gjendja e tij paraqitet stabile. Në spital do të qëndrojë deri në përmirësimin e gjendjes.