Snajperisti që iu luftoi me UÇK-në

15 vjet më parë në një luftë me motive të pastra lirie e cila po zhvillohej në Kosovë kishte ardhur për të luftuar edhe një gjerman, Mike Spath.

Ai thuhet se ishte krahu i djathtë i Agim Ramadanit e profesioni i tij ishte snajper.

Si snajper ai ishte luftonte me Agim Ramadanin në Koshare. Gjermani kohë pas kohe shkon në Kosovë.

Tani 15 vjet pas luftës thotë se e pa të padrejtë dhunën që po ushtrohej ndaj shqiptarëve prandaj ai u bë pjesë e Ushtrisë Çlirimtare të Kosovës.

Ushtaraku i trajnuar në SHBA ka luftuar për drejtuesit ushtarak të njohur si Katana.

"Komandant më të mirë se Agim Ramadanin nuk ka pasur 100 vitet e fundit.

Në nëntë konfliktet ku kam marrë pjesë struktura e skuadrës së Agim Ramadanit edhe pse ishte e papërvojë ishte më e mira", tregon ai për Klan Kosova.

Autoritetet serbe e kanë përmendur në disa raste për faktin se si një snajper i huaj u kishte shkaktuar dëmtime të mëdha në betejën e Koshares.

Vetëm në Kosovë ai u plagos tre herë rëndë.

Pavarësisht se familjen e ka në Gjermani dhe SHBA, ai tashmë e ka statusin e banorit të Kosovës dhe këtu ai rri tek familja e Agim Ramadanit.