Stërnipi i Hasan Prishtinës flet për dallimin mes tij dhe Ahmet Zogut: Bashkimi kombëtar i pashmangshëm

”Bashkimi kombëtar po na vjen dhe është i pashmangshëm”,-thotë Mehmet Prishtina stërnipi i Hasan Prishtinës, duke përforcuar idenë e stërgjyshit të tij. ”Bashkimi po na vjen dhe duhet të vijë pavarësisht se ne punojmë dhe është fat që kemi miq të fortë SHBA, që e dinë se pa bashkim nuk mund të mbijetojmë. Bashkimi është i pashmangshëm dhe nevojë jetike”. Sipas tij Hasan Prishtina nuk bënte asnjë kompromis për bashkimin kombëtar dhe kjo e diferenconte nga politikanët e asaj kohë, ndërsa tregon dallimin mes tij dhe Ahmet Zogut.

“Nuk bëri asnjë kompromis, i janë bërë shumë oferta të gjithë përfaqësuesit kanë qenë të prekshëm si na kapital e karrierë, pro Prishtina nuk bëri kompromis për çështjen e bashkimit kombëtar. Një nga arsyet e fuqishme nga kundërshtimi nga Ahmet Zogu ishte fakti që ai nuk bënte kompromis. Dallimi mes Ahmet Zogut e Hasan Prishtinës ai ishte i fokusuar në interesin e shtetit, kurse Hasan Prishtina te kombit, sepse e thoshte pa kombin as shteti nuk mund të mbijetojë këtë bindje kam edhe unë sot”.

Stërnipi i Hasan Prishtinës shprehet skeptik për politikanët e sotëm, por thekson se ka edhe nga ata që punojnë heshturazi për çështjen e bashkimit kombëtar. “Jam skeptik për politikanët se ata fokusohen në karrierën e tyre interesat e tyre ideologjike dhe materiale. Ka edhe nga ata që punojnë heshturazi për këtë çështje por do të doja më shumë se kaq”.

Krahas bashkimit kombëtar, ai foli në A2 CNN për kontributin e Hasan Prishtinës si atdhetar, ku meritën më të madhe sipas tij e ka për arsimin, ndaljen e shpopullimit dhe pavarësisë. ‘‘Ka pasur disa poste dhe jetëgjatësi të shkurtër si ministër, por Hasan Prshtina luftën më të madhe e bëri të parandalonte eksodin e shqiptarëve në Turqi.

Ai me letrat që dërgonte fuqive të mëdha kërkonte ndihmë për shpopullimin masiv që shqiptarët e dëbuar të mos dërgohet në Turqi, por në trojet e veta. Kjo përsëritet në 99. Ky është suksesi i Hasan Prishtinësi priu forcave të armatosura nga Luma, Kukësi, Tropoja, Hasi, duke zhvilluar luftën për bashkim. Arritjet më të mëdha Hasan Prishitna i ka për arsimin shqip, Normalen e Elbasanit. Rreth 200 nxënës ka financuar e mjetet e veta. Edhe në Tropojë që përuruam bustin e Hasan Prishtinës kishin ardhur disa elbasanllinj. Kontributi i tij për arsimin shqip është i jashtëzakonshëm. I ndante 5% të të ardhurave vjetore për arsimin”.