Sulmi në veri të Kosovës, Kurti: U zbuluan emblema të grupeve serbe dhe rus

Kryeministri i Kosovës, Albin Kurti, ka njoftuar se pas bastisjeve të fundit në veri të vendit, të realizuara në lidhje me sulmin terrorist të 29 nëntorit në kanalin e Ibër-Lepencit, janë konfiskuar armë, uniforma dhe pajisje të ndryshme.

Kurti theksoi se gjatë këtyre operacioneve janë gjetur emblema ruse dhe serbe, që lidhen me strukturat e inteligjencës, ushtrisë dhe shërbimeve të sigurisë të Serbisë dhe Rusisë.

“Ky zbulim shqetësues tregon për përfshirjen e mundshme të grupeve ekstremiste dhe terroriste serbo-ruse, me lidhje të ngushta në Serbi, të cilat synojnë destabilizimin e Kosovës dhe krijimin e një klime pasigurie në rajon”, tha Kurti, duke shtuar se ky është një zhvillim që nuk mund të injorohet.