Taksa/Grenell: Isa Mustafa lider i guximshëm

Ambasadori Richard Grenell, i dërguari i presidentit amerikan për bisedimet Kosovë-Serbi, ka përshëndetur qëndrimin e Isa Mustafës, i cili tha se heqja e tarifës duhet të bëhet ashtu siç kërkojnë Shtetet e Bashkuara të Amerikës.

“Një mendim shumë i mirë. Isa Mustafa është një lider i guximshëm. Heqja e tarifës nesër do të ishte një fillim i mirë për më shumë progres – dhe do të shkonte shumë shpejt. Por zhvillimi ekonomik nuk mund të ecë përpara derisa tarifa të mos hiqet”, ka shkruar ai në Twitter.

Më herët Kryetari i Lidhjes Demokratike të Kosovës, Isa Mustafa kishte deklaruar se deputetët e LDK-së dhe anëtarët e Qeverisë do të mbështesin pa asnjë rezervë heqjen e menjëhershme të tarifës, dhe atë jo vetëm se po e kërkon partneri strategjik SHBA, por se janë të bindur se kjo është në interes të shtetit të Kosovës.

Mustafa ka shkruar në rrjetet sociale se Në qoftë se Serbia, nuk e ndal fushatën kundër Kosovës dhe nuk mënjanon pengesat tregtare dhe ekonomike, LDK mbetet e përkushtuar për aplikimin e masave të reciprocitetit pas një periudhe që Qeveria e akordon me SHBA-të dhe BE-në.

Etiketimet