Taksisti shqiptar sulmohet në veri të Mitrovicës

Persona të panjohur kanë sulmuar një taksist shqiptar në Beograd, duke i thyer me gurë xhamat e makinës teksa ai po transportonte udhëtarët në rrugën “Ivo Lolla Ribar” në veri të Mitrovicës.

Siç raportojnë mediat në Kosovë nuk ka të lënduar, por vetë dëme materiale, vlera e së cilës shkon rreth 250 euro.

Sulmi është dënuar edhe nga ministri i Jashtëm Behgjet Pacolli, i cili thotë se sulme të tilla kanë qëllim destablizimin e asaj pjese të Kosovës.

“Dhuna dhe aktet e tilla duhet të dënohen me forcën e ligjit. Policia e Kosovës duhet të ndërmarrë masa emergjente në parandalimin e sulmeve të tilla të cilat kanë për qëllim destabilizimin e asaj pjese të Kosovës”, ka shkruar Pacolli përmes një reagimi në rrjetin social Facebook.