Thaçi në Hagë, BE kërkon vazhdimësi në Kosovë në rrugën e saj evropiane

Zëdhënësi i komisionit të jashtëm, Peter Stano, ka reaguar pas ngjarjeve më të fundit të ndodhura në Kosovë.

Stano përmes një postimi në TWitter është shprehur se e mirëpret vendimin që ish- presidenti i Kosovës Hashim Thaçi ka vendosur të bashkëpunojë me Dhomat e Specializuara të Kosovës dhe Zyrën e Prokurorit të Specializuar.

“BE mbështet fuqimisht punën e Dhomave të Specializuara të Kosovës dhe Zyrës së Prokurorit të Specializuar. Bashkëpunimi i plotë me këto institucione është thelbësor si një demonstrim i rëndësishëm i angazhimit të Kosovës për sundimin e ligjit, i cili nga ana tjetër është një element thelbësor për përparimin e Kosovës në rrugën e saj evropiane dhe për angazhimin e BE-së me Ballkanin Perëndimor në tërësi”, shkruan Stano.

Ndër të tjera ai ka theksuar se pas dorëheqjes së Presidentit Thaçi, ne kemi besim te përfaqësuesit e Kosovës për të siguruar vazhdimësinë e institucioneve, në përputhje me ligjet e Kosovës.

Kosovo: 🇪🇺 takes note of the resignation of @HashimThaciRKS & welcomes that he agreed to cooperate w/Specialist Chambers &Specialist Prosecutor’s Office. We strongly support their work. Full cooperation is key for rule of law and EU path of Kosovo https://t.co/mW1zhw1n1L

— Peter Stano (@ExtSpoxEU) November 5, 2020