Thaçi: Vullneti i qytetarëve turq më i fuqishëm se çdo tank

Presidenti i Kosovës, Hashim Thaçi ka shkruar në llogarinë e tij në “Facebook” për ngjarjet në Turqi.

Ai ka thënë se ka përcjellë me vëmendje zhvillimet në Turiq dhe se u dëshmua që vullneti i qytetarëve turq ishte më i fuqishëm se çdo tank, transmeton Koha.net.

“Zhvillimet dramatike dhe tentimi për puç në Turqi u përcollën me vëmendje edhe nga institucionet dhe populli i Kosovës. Vullneti i qytetarëve të Turqisë u dëshmua më i fuqishëm se çdo tanke”, shkruan Thaçi.

Ai, më tej, thotë se përgëzon të gjitha ata që përballuan me urtësi dhe vendosmëri këtë sfidë.

“Ngadhënjimi i institucioneve legjitime në Turqi tregoi se demokracia është e pasfidueshme. Në emër të popullit të Kosovës uroj që në Turqi të ketë paqe dhe stabilitet. I përgëzoj të gjithë ata që këtë sfidë e përballuan me urtësi, por edhe me vendosmëri”, shtoi Thaçi.