Trump: Vuçiç dhe Hoti u përqafuan në Zyrën Ovale. Ishte gjë e bukur…

Presidenti i Shteteve të Bashkuara të Amerikës ka cituar sërish gjatë fushatave të tij elektorale marrëveshjen ekonomike të nënshkruar më 4 shtator mes Kosovës dhe Serbisë.

Gjatë fjalës së tij në Pensilvani, presidenti amerikan ka treguar një prapaskenë të ndodhur në Zyrën Ovale të ‘Shtëpisë së Bardhë’.

Trump tha se krerët e shteteve që për shumë vite po vriteshin me njëri-tjetrin, u përqafuan në Zyrën Ovale dhe sipas tij u shpëtuan shumë jetë.

“Kosova dhe Serbia, ata po vriten për shumë vjet, thjeshtë po vriten mes vete. Janë disi si izraelitët dhe palestinezët. Kështu që iu thashë: ‘Dëgjoni, të bëjmë marrëveshje, marrëveshje ekonomike. Erdhën në zyrën time, Zyren Ovale për të nënshkruar dhe ata po e përqafonin njëri tjetrin… ishte gjë e bukur ta shihje, shpëtuam aq jetë”, tha Trump.