U sulmua me thikë. Ndërron jetë futbollisti shqiptar

Futbollisti i FC KEK-ut, Shkëlqim Pllana ka ndërruar jetë mbrëmë në QKUK, pas plagëve të marra nga sulmi me thikë nga një person në Prishtinë.

Lajmin e tij e ka konfirmuar Policia e Kosovës edhe në raportin 24-orësh, ku thuhet se rasti ka ndodhur në rrugën “Gustav Majer” rreth orës 22:00.

Policia ka bërë të ditur se shkaqet e sulmit ende janë të panjohura, dhe se i dyshuari gjendet në arrati.

“Rr. Gustav Majer, Prishtinë, 09.12.2017-19:10. Raportohet se i dyshuari mashkull K-Shqiptar, për shkaqe te panjohura ka sulmuar fizikisht duke e therë me thikë viktimën mashkull K-Shqiptar. Viktima është dërguar për trajtim mjekësor ne QKUK , ku rreth orës 22:00 ka ndërruar jete. Ne vendin e ngjarjes kane shkuar   njësitet përkatëse policore, ndërsa i dyshuari gjendet ne arrati”, thuhet në njoftimin e Policisë së Kosovës.