Ushtaraku çek: Perëndimin shkaktoi genocide ndaj serbëve me ndërhyrjen në Kosovë

Nënkoloneli çek, Mark Obrtel, i cili kohë më parë kishte kthyer dekoratën e NATO-s, në një intervistë dhënë të përditshmes së Beogradit, “V.Novosti”, tha se në Kosovë ka ndodhur genocid ndaj serbëve, i shkaktuar nga Perëndimi.

NATO-n ai në këtë intervistë ai e quan organizatë kriminale, raporton Express.

“Në Kosovë ka ndodhur genocid ndaj serbëve, të cilin e shkaktoi Perëndimi dhe unë për këtë arsye në vete mbaj pikëllimin, zemërimin dhe dëshpërimin, meqë kam qenë pjesë e makinerisë së NATO-s.

Kam qenë dëshmitar se si narko-mafiozët bëhen përfaqësues të respektuar të të ashtuquajturit shtet i Kosovës, kurse vrasësit masiv heronj”, i tha “V. Novostit” Obrtel, një mjek ushtarak nga Çekia, i cili Kosovën e quan tragjedi të madhe evropiane, të shkaktuar nga Perëndimi, njësoj si në Bosnjë dhe tani në Ukrainë.