Vaksina në Kosovë/Vuçiç: I lumtur që kam dërguar doza anti-covid dhe jo tanke

Presidenti i Serbisë, Aleksandër Vuçiç ka reaguar sërish për shpërndarjen e vaksinës anti-covid në një pjesë të Kosovës. Vuçiç ka thënë se është i lumtur që në Kosovë po sjellë vaksina e ilaçe dhe jo tanke. Ai ka përsëritur edhe një herë se derisa të jetë ai president i shtetit, nuk do ta njohë Kosovën.

”Jam i lumtur që kam dërguar në Kosovë vaksina dhe jo tanke. Sa të jem unë president i Serbisë nuk do të ketë njohje të pavarësisë së Kosovës. Nuk kam as çfarë të shtojë e as çfarë të marr nga kjo”, ka thënë Vuçiç.

Qeveria në Serbi ka ofruar vaksina anit-covid dhe për qytetarët e saj në Kosovë. Ky veprim ka ngjallur reagimin e qeverisë në Kosovë, të cilët e kanë quajtur një veprim jo të drejt dhe të pranueshëm. Po të hënën, Vuçiç tha se nëse është nevoja do të sjell vaksina edhe për shqiptarët në Kosovë.