Vdes tragjikisht në Gjermani 26-vjeçari nga Kosova

Një djalë i ri 26 vjeç me origjinë nga Kosova ka vdekur tragjikisht në Gjermani. Mësohet se viktima është Arif Zekaj me prejardhje nga Jabllanica.

Lajmin për ndarjen e tij nga jeta e kanë dhënë familjarët. I riu jetonte me familjen në shtetin gjerman, kurse bëhet me dije se ishte vëllai i vetëm i 3 motrave.

Ky nuk është rasti i vetëm i aksidenteve dhe rasteve tragjike në shtetin gjerman me protagonistë të rinj shqiptarë, kryesisht nga Kosova. Nuk kanë munguar rastet kur viktima kanë qenë edhe të mitur.