Vetëvendosja, jo aleancë me serbët për krijimin e qeverisë

Fitues në zgjedhjet e 14 shkurtit në Kosovë janë Albin Kurti dhe Vjosa Osmani, por nuk i kanë 61 mandate për të krijuar qeverinë e re. Bashkëpunimin e vetëm për krijimin e shumicës së nevojshme parlamentare për votimin e Qeverisë dhe realizimin e agjendës politike, Lëvizja Vetëvendosje e planifikon me pakicat jo serbe.

Zëdhënësi i kësaj partie, Përparim Kryeziu tregon se për ketë deri tani janë pajtuar me komunitetin egjiptian dhe boshnjak. Ky bashkëpunim thotë se nuk do të realizohet mbi parimin e ndarjes së pozitave qeveritare.

Me Listën Serbe kjo parti nuk sheh bashkëpunim, nën arsyetimin se të njëjtit janë të dirigjuar nga Beogradi. Me partitë e tjera shqiptare bashkëpunimi thonë do të jetë Qeveri opozitë për interesa të caktuara të qytetarëve.