Vetëvendosje: Do hedhim prapë gaz lotsjellës

Deputeti i Lëvizjes Vetëvendosje, Glauk Konjufca e ka konfirmuar se është ai njëri nga deputetët që ka hedhur sot gazin lotsjellës në sallën e Kuvendit të Kosovës.

“Ne paralajmëruam se do ta ndërprejmë këtë seancë. Kjo është që të ushtrohet më shumë trysni në Qeverinë me mesazhin se marrëveshjet janë të pakalueshme dhe se opozita është e vendosur që të përdor të gjitha metodat që këto dy marrëveshje të mos implementohen”, ka thënë Konjufca.

“Po sot e kam hedhur gazin lotsjellës, të tjerë e kanë bërë para meje, të tjerë do ta bëjnë pas meje”, ka thënë ndër tjerash Konjufca.