Vetizolohet në banesë Albin Kurti, pati kontakt me një të prekur me koronavirus

Kreu i qeverisë në detyrë te Kosovës, Albin Kurti ka bërë të ditur sot se eshte vetizoluar, pasi ka pasur kontakt me nje person pozoitiv me koronavirus.

Lajmin e ka njoftuar ai vete me nje postim ne faqen e tij ne Facebook:

Të dashur qytetarë,

Sot është dita e parë kur nuk do të dal në punë në Kryeministri (ZKM). Një zyrtar i Ministrisë së Integrimeve Evropiane (MIE) ka pasur kontakt të ngushtë me një nga personat e dalur pozitiv në testin për COVID-19. Janë marrë mostrat dhe po presim rezultatin.

Unë kam pasur kontakt me të, sikurse edhe punonjës të tjerë në MIE e ZKM, ndonëse gjithnjë duke respektuar rregullat për distancën fizike. Nga sot jam në vetizolim në banesë gjersa të dalin rezultatet e testimit për zyrtarin nga MIE.

Do t’i kryejmë detyrat nga largësia me përkushtimin e njëjtë, do t’i marrim vendimet e duhura me përgjegjësinë e njëjtë.

Ju falemnderit.