Vizitë e pazakontë në Prishtinë e ambasadorit amerikan në Serbi

Ambasadori i Shteteve të Bashkuara të Amerikës në Serbi, Kyle Scott, ndodhet në Kosovë. Scott do të zhvillojë disa takime me zyrtarë kosovarë dhe me figura tjera të rëndësishme në Prishtinë.

Ai do të takohet me ta për të dëgjuar qëndrimet e tyre, dhe për të mësuar më shumë për situatën në rajon, ka treguar Ambasada e SHBA’së në Beograd, kur është pyetur nga “Tanjug” për agjendën e ambasadorit Scott në Kosovë.

Scott ndodhet në Prishtinë për herë të parë. Atë e kishte vizituar në Beograd në vitin 2017, ambasadori amerikan në Kosovë, Greg Delawie.