Vjosa Osmani flet për BBC: Edhe unë kam qenë refugjate. I presim afganët me zemërgjerësi

Presidentja e Kosovës, Vjosa Osmani, në një intervistë për BBC ka folur për situatën në Afganistan dhe gatishmërinë e Kosovës për të pritur afganët para se ata të sistemohen në SHBA.

“Janë skena që ta thyejnë zemrën. Edhe unë kam qenë refugjate dhe e ndjejmë këtë çdo ditë…askush nuk dëshiron ta lë shtëpinë e tij derisa nuk janë të detyruar për shkak të dhunës”, tha ajo.

“Me shumë gjasë ne do t’i kemi ata më shpejt se që e pritnim… Në fillim menduam se ata do të vinin për disa javë dhe se mund të kemi më shumë kohë për t’u përgatitur…. brenda tri ditëve do të merret vesh edhe për datën e saktë se kur do të vijnë ata”.

Presidentja Osmani në këtë intervistë për BBC u bëri thirrje të gjitha qeverive demokratike që t’ia zgjasin dorën afganëve në këto momente.

“Askush nuk e lë vendin pse dëshiron, por për shkak të dëshpërimit… Nëse Kosova, një shtet i vogël mund ta bëjë këtë, çdo vend tjetër mundet”.

“If Kosovo, a very small Balkan country can do it, every other country can do it.”

As Kosovo offers to temporarily take in Afghan refugees bound for the US, Kosovo’s President @VjosaOsmaniPRKS says Nato must help with the “fragile security and humanitarian situation”#Newsnight pic.twitter.com/eCXDQqIMZG

— BBC Newsnight (@BBCNewsnight) August 18, 2021