Vjosa Osmani: Kosova nderon Nënë Terezën
Nga Vjosa Osmani-
Kombi ynë është me fat që arriti t’ia japë botës Nënë Terezën, shembullin universal të humanizmit dhe sakrificës për njeriun. Në 25-vjetorin e kalimit të saj në amshim dhe 6-vjetorin e shenjtërimit të saj, te shtatorja e saj në Prishtinë nderuam kujtimin për simbolin e dashurisë, të paqes e humanizmit.
Ndërkaq në Prizren, në ekspozitën kushtuar jetës dhe veprës së saj e kujtuam veprën e madhe jetësore e shembullin e përkryer moral të cilin ajo ia fali njerëzimit, të dokumentuar nëpërmjet ekspozitës e cila i kushtohet veprës e jetës së saj.
Në një ceremoni të veçantë, i kam dekoruar me medaljen presidenciale “Shën Tereza” disa personalitete të shquara nga fusha e humanizmit, të cilët kanë kontribuar në periudha të ndryshme në ruajtjen dhe promovimin e vlerave etnike e kulturore tonat. Ndërkaq këtë ditë e përmbyllëm me një koncert të jashtëzakonshëm të filarmonisë së Kosovës, dedikuar Nënës Terezë.
