Vlora Çitaku uron Vetëvendosjen: Kosova shembullore sërish!

Ambasadorja e Kosovës në SHBA, Vlora Çitaku ka uruar Vetëvendosjen për fitoren e thellë në zgjedhjet parlamentare.

Çitaku, në një mesazh në “Facebook” shkruan se Kosova ishte sërish shembullore për mënyrën se si u zhvilluan zgjedhjet e djeshme.

Çitaku i ka uruar suksese Vetëvendosjes, ndonëse ka thënë se “do e mbajnë për fjale”.

Postimi i plotë i Çitakut në Facebook: 
Kosova shembullore sërish!
Urime Vetëvendosje! Ju dëshiroj mbarësi. Suksesi i juaj në qeverisje është sukses për Kosovën. Ua dëshiroj më të mirën dhe uroj që mos të udhëheqin me arrogancë. Kemi me ju mbajt për fjale. Bravo PDK-së e cila ndonëse në rrethana të vështira, sërish pranoi pa ekuivokë rezultatet. Standardet vendosen çdo ditë.