Vr’asja e 39-vjeçares shqiptare në Austri, ish-bashkëshorti pranon krimin

Një ngjarje e rëndë ka ndodhur më 5 prill 2026 në Soss, ku një 39-vjeçare nga Kosova, Zoja Oroshi, u gjet e vrarë në kopshtin e shtëpisë së saj, me plagë të shkaktuara nga thika dhe arma e zjarrit.

Autoritetet austriake njoftuan se autori është ish-bashkëshorti i saj, një 47-vjeçar me origjinë nga Kosova, i cili ka pranuar krimin dhe ndodhet aktualisht në paraburgim në Qendra Korrektuese Wiener Neustadt.

Hetimet e deritanishme tregojnë se konflikte të vazhdueshme familjare mes çiftit mund të kenë qenë motivi i ngjarjes. Sipas policisë, urdhri për paraburgim është kërkuar, ndërsa hetimi policor vazhdon për të sqaruar të gjitha rrethanat e vrasjes.

Autoritetet nënvizojnë se shqyrtohen të gjitha aspektet e marrëdhënies së tyre dhe problemet familjare, si pjesë e hetimeve për motivin e krimit.