Vuçiç: Antarësimi në BE jo para 2020, deri atëhere s’ka njohje për Kosovën

Kryeministri i Serbisë, Aleksandar Vuçiq ka deklaruar se “është herët të flitet për zgjidhjen përfundimtare për Kosovën” dhe se është në kontakt të vazhdueshëm me Tomisllav Nikoliqin për këtë çështje.

Vuçiq për televizionin Tv Prva ka thënë se duhet të shikohet se si do të lëvizin gjërat, se jeta është kategori dinamike dhe se është në kontakt të vazhdueshme me presidentin e Serbisë. Ai vlerëson se do të arrihet deri të zgjidhja.

Ai ka shtuar se mendon se hyrja në BE nuk duhet të pritet para vitit 2020.

Vuçiq ka shtuar se ka interpretime të shumta të marrëveshjes së Brukselit dhe se nuk mundet secilit t’ia sqarojë të gjitha. Sipas tij, në Bruksel priten bisedime të vështira dhe kushte të rënda.

Për dallim prej kryeministrit serb, presidenti Nikoliq vazhdon të këmbëngulë se Serbia duhet ta miratojë një dokument për “statusin final të Kosovës”.