Vuçiç: Do të arrestojmë Thaçin nëse vjen në Serbi

Kryeministri serb Aleksandër Vuçiç ka deklaruar se do të arrestojnë Hashim Thaçin nëse shkon në Serbi.

“Ligjet ekzistojnë ende dhe ne do ta arrestojmë Thaçin nëse vjen këtu”, deklaroi Vuçiç.

Ai tha se askush nga Brukseli nuk ka ndërhyrë dhe nuk do të ndërhyjë në mënyrën e politkëbërjes serbe.

Ministri i Jashtëm i Kosovës Hashim Thaçi ka planifikuar një vizitë në Serbi por duket se pas kësaj deklarate të Vuçiç vështirë se kjo vizitë do të kryhet.